Skip to content

1. fundur 2019-20

Fundur 8. október 2019

Mættir voru 20 af 24 fulltrúum í ráðinu.

  1. Stutt kynning á ráðinu og helstu verkefnum undafarinna ára. Einnig rætt um skólaráðið. Sameiginleg ákvörðun að allir fulltrúar 7. bekkinga sjái um að mæta á fundi skólaráðs, 4 í senn, helst einn frá hverjum bekk.
  2. Matarsóun. Staðan er töluvert betri nú en áður en nemendaráðið kom að málinu í fyrra. Nú þarf hins vegar að ákveða hvort hægt sé að ná enn betri árangri. Kemur til greina að fulltrúar fari í bekki og segi frá málinu.
  3. Skólalóðin. Einhverjar breytingar eru áætlaðar varðandi skólalóð og er nauðsynlegt að nemendaráðið komi að þeirri vinnu. Ætlunin er að fá skólastjóra á fund eins fljótt og auðið er.
  4. Bleikur föstudagur. Samþykkt samhljóða að hvetja nemendur til að taka þátt í bleikum föstudegi þann 11. október. Fulltrúar ætla að ganga í stofur og minna á daginn. 7. bekkingar heimsækja 1. og 2. bekki, 6. bekkingar heimsækja 3. bekki og 5. bekkingar heimsækja 4. bekki. Kennarar beðnir að leyfa krökkunum að undirbúa heimsóknina.
  5. Önnur mál. Hvað þarf að ræða í vetur? Margar hugmyndir ræddar, meðal annars vilja fulltrúar bæta umgengni í fatahengjum, umgengni um ritföng, reyna að fá samlokugrill í matsalinn, huga að betri framkomu á snjóboltasvæðinu, koma í veg fyrir símanotkun í frímínútum, koma í veg fyrir neteinelti og stöðva hjólafikt.