Mötuneyti

Mataráskrift

Ágætu foreldrar/forráðamenn

Til að geta skráð nemendur í mataráskrift þarf foreldri/forráðamaður að skrá sig inn í Rafræna Reykjavík með kennitölu og lykilorði, sjá http://rafraen.reykjavik.is  á heimasíðu Reykjavíkurborgar,  http://www.reykjavik.is .

Þeir sem ekki hafa lykilorð þurfa að stofna aðgang og geta í kjölfarið fengið lykilorðið sent í sinn heimabanka eða  í almennum pósti.
Þeir sem ekki hafa aðgang að tölvu skulu hafa samband við skrifstofu skólans og fylla þar út samning um mataráskrift.

Mánaðarlegt gjald fyrir hádegismat í skólamötuneytum borgarinnar er samkvæmt ákvörðun borgarráðs hverju sinni og er innheimt  níu sinnum á skólaári, frá september til maíloka, í jöfnum greiðslum. Foreldrar geta valið að greiða með greiðsluseðli eða kreditkorti. Nánari upplýsingar og verðskrá.

Vakin er athygli á því að innheimt er eftir á, t.d. er reikningur vegna áskriftar í september gefin út 20. þess mánaðar með gjalddaga  þann 1. október  og eindaga  1. nóvember.

Ef mataráskrift er hætt þarf að segja henni upp í Rafrænni Reykjavík og tekur hún þá gildi frá og með næstu mánaðamótum. Að öðrum kosti er áfram gert ráð fyrir hádegisverði  fyrir nemandann og greiðslu.

Matseðlar eru gefnir út í hverjum skóla og vistaðir á heimasíðu hans.

Þjónustuver Reykjavíkurborgar veitir alla frekari aðstoð við notkun Rafrænnar Reykjavíkur í síma 411 1111

Umgengnisreglur skólamötuneytis

Nemendur eiga að:

  • fara úr skóm, yfirhöfnum og höfuðfati áður en gengið er inn í borðsalinn
  • fara í einfalda röð fyrir framan afgreiðsluborðið
    ganga hljóðlega um borðsalinn
  • ganga snyrtilega um borðsalinn
  • temja sér góða borðsiði og sýna tillitssemi
  • hreinsa af diskum sínum eftir máltíð og ganga frá borðbúnaði á vagn
  • ljúka við máltíðina áður en gengið er út úr borðsalnum
    sitja í 15 mínútur við matarborðið eða þar til starfsfólk segir að matartíma sé lokið
    sýna starfsfólki mötuneytis fyllstu kurteisi
     
    Brot á þessum reglum getur varðað brottrekstri úr mötuneyti.

Umgengni sýnir innri mann!