Þjarkar í 4. bekk

taekni1Börnin í 4 .bekk byggðu og forrituðu þjarka; flestir einhverskonar farartæki. Notuðu þau  Legokubba sem heita Wedo og spjaldtölvur, en skipanir eru sendar þráðlaust í þjarkinn. Fyrst  byrja þau á að byggja og forrita eftir leiðbeiningum en fljótlega tekur „eðlislæg“ forvitni völdin. Eru þau áfjáð um að þjarkurinn fari hraðar, geti beygt, gefið frá sér hljóð eða notað skynjara. Þau mæla, leita lausna, rannsaka, hjálpast að, prófa sig áfram og keppa sín á milli. Fögnuður þeirra er mikill þegar tilraunir skila tilætluðum árangri, og vilja sýna og segja frá. Snúa svo aftur á vinnustöðina sína til að bæta hönnunina enn frekar.

taekni2

Íslenskuverðlun

tinnaogisafold
 
16. nóvember, á degi íslenskrar tungu, fengu þær Tinna í 7. KS og Ísafold Salka í 4. HLG Íslenskuverðlun unga fólksins, við hátíðlega athöfn í Hörpu.
Umsagnirnar um þær eru m.a. svohljóðandi: Ísafold Salka hefur einstakan áhuga á íslenskri tungu, er mjög skapandi og listræn bæði í máli og ritun.
Tinna er mjög dugleg að lesa og mikill lestrarhestur. Upplestur hennar er skýr og greinilegur.
Í ritun er hún mjög skapandi og skrifar lipran og læsilegan texta sem gaman er að lesa og hlusta á.

Björgvin Þór Þórhallsson
skólastjóri Melaskóla

Astrid Lindgren 110 ára

astridÞemadagar verða dagana 14. og 15. nóvember. Viðfangsefnið þeirra eru verk sænska rithöfundarins Astrid Lindgren og sögupersónur hennar sem ættu að vera flestum að góðu kunnar. 14. nóvember hefði Astrid Lindgren orðið 110 ára og því ærið tilefni til að tileinka þemadaga hennar ævintýraheim.