Í tilefni af degi íslenskrar tungu þann 16. nóvember efndi Menntamálastofnun, í samvinnu við KrakkaRúv, til ljóðasamkeppni grunnskólanema. Ljóðformið var algerlega frjálst en skemmst er frá því að segja að Embla Karen Egilsdóttir í 6. bekk Melaskóla tók þátt og var hennar ljóð valið það besta á miðstigi. Fær Embla bókaverðlaun og viðurkenningarskjal. Hér er svo verðlaunaljóðið:

Nýtt tungl

Þú hjálpaðir mér

uppúr myrkrinu.

Þú lýstir upp nóttina

líkt og tungl.

Þú særðir mig,

hvorki sól né tungl,

aðeins kaldar stjörnur

skynseminnar.