Melaskóli vinnur nú að stefnumótun í umhverfis- og sjálfbærnimenntun samkvæmt Aðalnámskrá grunnskóla 2011. Samhliða ætlum við að stíga fleiri „græn skref" í viðleitni okkar að gera Melaskóla „grænni" skóla. Gert er ráð fyrir að þessi stefnumótun verði langt komin í upphafi næsta skólaárs.

Eitt af því sem við höfum lengi viljað hafa áhrif á er umferðarmenning við skólann og í næsta nágrenni hans. Við hvetjum foreldra til þess að sjá til þess að börnin komi gangandi eða hjólandi í skólann. Ávinningur er margþættur. Umferðin við skólann og í hverfinu minnkar og öryggi nemenda eykst til muna. Nemendur auka skilning sinn á mikilvægi umhverfis og sjálfbærni. Síðast en ekki síst eru útivist og hreyfing afar mikilvægir þættir í heilbrigði og heilsueflingu nemandans.

Í dag birtist viðtal í Fréttatímanum við þrjá kennara í Melaskóla þar sem þær velta fyrir sér m.a. hvort minni kröfur séu gerðar til drengja?Edda Pétursdóttir, Kristjana Skúladóttir og María Sophusdóttir, kennarar í Melaskóla, telja viðhorf til náms skipta
verulegu máli og því jafnvel haldið að drengjum að þeim eigi að leiðast í skóla. Þær spyrja hvort drengir mæti verr fyrir kallaðir í skóla að morgni; því þeir fara seinna að sofa á kvöldin en stúlkur, eyða minni tíma í lestur, útivist og heimanám en þeim mun meiri í tölvuna og sjónvarpsgláp.

Greinina má sjá hér.

Hér birtist starfsáætlun Melaskóla fyrir skólaárið 2012-2013. Hún kann að taka breytingum hvaða varðar nöfn starfsmanna þegar á haustið er komið.